Юртимизда давлат ташрифи билан бўлиб турган Туркия Жумҳурияти президенти Ражаб Тоййиб Эрдўған бугун Ўзбекистон Республикаси Олий Мажлиси қонунчилик палатаси ва Сенати аъзолари олдида чиқиш қилди.
Чиқиш видеотасвири Туркия Жумҳурияти президентлиги расмий твиттерида эълон қилинди. Қарийб 20 дақиқача давом этган чиқишида Эрдўған икки давлат ўртасидаги тарихий алоқалар ва бўлажак савдо-иқтисодий, маданий муносабатлар ҳақида сўз юритган.
