АҚШ президенти Дональд Трамп Германия канцлери Ангела Меркелдан Россия етакчиси Владимир Путин билан муносабатларни қандай йўлга қўйиш кераклиги ҳақида маслаҳат сўраган. Бу ҳақда CNN телеканали икки нафар манбага асосан хабар бермоқда.
Телеканал маълумотларига кўра, Трамп Меркелга маслаҳат сўраб мурожаат қилган, сабаби Германия канцлерида Путин билан ўзаро сиёсий алоқалар бўйича катта тажриба бор. Манбалар Меркель АҚШ президентига қандай маслаҳат берганини аниқлай олишмаган ҳамда Трамп аксарият ҳолатларда ўзига айтилган сўзларни жиддий тарзда қабул қилмаслигини таъкидлаб ўтишган.
Эслатиб ўтамиз, аввалроқ АҚШ миллий хавфсизлик кенгаши вакили Трамп нега Путин билан учрашишни хоҳлаётгани ҳақида айтганди. Унинг таъкидлашича, «Россия билан яхши муносабатлар бизнинг умумий манфаатларимизга хизмат қилади».
