"Ўзтўқимачилик" саноат корхоналари I чоракда 317 миллион долларлик маҳсулотларни экспорт қилди

Ўзбекистон тўқимачилик саноат корхоналари 2018 йилнинг биринчи чорагида 317 миллион долларлик маҳсулотни экспорт қилди. "Ўзтўқимачиликсаноат" ассоциацияси матбуот хизмати шу ҳақида хабар берди.

Экспортдаги ўсиш 2017 йилнинг худди шу даврига нисбатан 21 фоизни ташкил қилди. Экспортчи корхоналар сони 376 тадан ошди.

Бугунги кунда Ўзбекистоннинг тўқимачилик маҳсулотлари йирик истеъмолчилари Россия, Хитой, Қозоғистон, Туркия, Европа Иттифоқи мамлакатлари ҳисобланади. Соҳа корхоналари дунёнинг жами 60 га яқин мамлакатига экспорт маҳсулотларини етказиб беради.

Экспорт тузилмасида қўшимча ва юқори қўшилган қийматга эга маҳсулотлар улуши 50 фоиздан ошди ва I ярим йиллик якунларига кўра, у 56 фоизни ташкил қилиши кутилмоқда.