Фото: Getty Images
Германия ҳарбий-ҳаво кучлари мамлакат қуролли кучларида бўлган Eurofighter қирувчилари билан жиддий муаммога тўқнаш келди. Der Spiegel маълумотларига кўра, 128та самолётдан кўпи амалиётларда иштирок этиш учун яроқсиздир.
Муаммолар қирувчилар қанотларида жойлашган сенсорларга алоқадор, улар душман самолёти яқинлашгани ҳақида огоҳлантиради. Носозлик туфайли бу сенсорлар керакли тарзда совитилмаяпти, шундан сўнг ишдан чиқмоқда.
Бундан ташқари, нашр маълумотларига кўра, Eurofighter учун ўқ-дорилар етишмовчилиги ҳам кузатилмоқда. Барча муаммолар ҳисобга олинса, немисларнинг фақат тўртта қирувчиси тўла жанговар ҳолатда тургани айтилади.
