Америкалик шифокорлар бир аёлнинг тухумдонида пайдо бўлган 60 килограммлик ўсимтани олиб ташлашди.
Аёл кескин вазн тўплай бошлагандан кейин Коннектикут штатидаги Дэнбери госпиталидаги гинекологга мурожаат қилган. Аёл бир неча ой давомида ҳафтасига тахминан 4,5 кгдан вазн тўплаб борган. Аёл МРТга тушганда унда ўсимта борлиги аниқланган. Мутахассислар ўсимтани яхши сифатли деб топишган, бироқ у шунчалик тез ўсганки, аёлга тўлақонли ҳаракатланиш ва овқатланишга имкон бермаган.
Аёл ўсимтанинг катталиги сабабли ногиронлар аравачасидан фойдаланишига тўғри келган.
Натижада 25 шифокордан иборат жамоа 2 ҳафта давомида жарроҳлик амалиётини ўтказиш режасини тузиб чиқишган. Жарроҳлар бош муаммо – ўсимта “озиқаланган” қон томирига шикаст етказмасликни ҳал қилишга муваффақ бўлишган. Ўсимтани олиб ташлаш амалиёти 5 соат давом этган. Таъкидланишича, аёл ҳозирда ўзини яхши ҳис қилмоқда.
