Қибрайда ўзаро жанжал қотилликка олиб келди

Тошкент вилоятининг Қибрай туманида қотиллик юз берди, деб хабар қилмоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

Маълум бўлишича, 6 май куни Салар шаҳарчасида яшовчи М.М. иш жойида ўзаро жанжал оқибатида таниши А.Л.нинг кўкрак ва чап қўл билак қисмига пичоқ билан уриб жароҳат етказган. 

Натижада А.Л. воқеа жойида вафот этган. М.М. ушланган.