Қибрайда автомобилда қизларга уятсиз ҳаракат қилган йигитлар 5 суткага қамалди

Ушбу ҳолат акс этган видео ижтимоий тармоқларда тарқалиб, кенг муҳокамаларга сабаб бўлганди.

Фото: Видеодан кадр

Тошкент вилоятида Cobalt русумли автомобилда йўл четидаги қизларга нисбатан ахлоқсиз хатти-ҳаракат қилган икки йигитга маъмурий қамоқ жазоси тайинланди.

Қайд этилишича, ҳолат Тошкент вилоятининг Қибрай туманида содир бўлган. Туман ички ишлар бошқармаси ходимлари томонидан транспорт воситасида бўлганларнинг шахси аниқланган ва жазо чоралари кўрилган.

Мазкур шахсларга нисбатан Маъмурий жавобгарлик тўғрисидаги кодекснинг 183-моддаси билан ҳужжатлар расмийлаштирилиб, транспорт воситаси ҳайдовчиси ҳамда унинг йўловчисига нисбатан беш сутка маъмурий қамоқ жазоси тайинланган