Ўзбекистон ва Литва 5 йил ичидаги илк ҳукуматлараро комиссия йиғилишини ўтказади

Жорий йилда 5 йил ичидаги илк Ўзбекистон-Литва ҳукуматлараро комиссияси бўлиб ўтади. Бу ҳақда 8 май куни Литва ташқи ишлар вазири Линас Линкявичюс маълум қилди.

“Биз 3-чоракда 5 йилдан бери йиғилмаган ҳукуматлараро комиссия бўлиб ўтишига қарор қилдик”, деб айтган Тошкентда ташриф билан қолаётган Линкявичюс.

Унинг айтишича, йиғилиш Тошкентда бўлиб ўтади, бироқ у ўтадиган сана ҳали белгиланмаган.

Линкявичюснинг таъкидлашича, томонлар бой берилганларни тўлдириши лозим. “Вазирлик ва идораларимизнинг бугунги учрашувида янграган барча ғояларни кўздан кечириб чиқамиз. Бизнинг доимий ваколатхонамиз йўқлигига қарамасдан, бу салоҳиятимизни қўлламасликка асос эмас”, деб айтган Линкявичюс.

Линкявичюс икки давлат ўртасидаги савдо айланмаси 2017 йил ичида 20 фоизга ўсганини ва 264 млн долларга етганини алоҳида таъкидлаб ўтган.

“Балки бу рақамлар кимгадир камтарона кўринар, бироқ биз учун анча аҳамиятлидир. Кўрсаткичлар бундан ҳам ҳайратлироқ бўлиши мумкин эди, аммо баъзи сегментлар бизда умуман қамраб олинмаган”, деб қўшимча қилган Линкявичюс.