КХДР ҳукумати америкалик асирларни Трампнинг илтимоси билан қўйиб юборди

Фото: CNN

КХДР ҳукумати америкалик уч нафар асирни Қўшма Штатлар президенти Дональд Трампнинг илтимосига кўра қўйиб юборишга қарор қилган. Бу ҳақда Корея Марказий телеграф агентлиги хабар бермоқда.

«Ким Чен Ин АҚШ президентининг КХДРда ҳукуматга қарши фаолият учун қўлга олинган америкалик фуқароларни қўйиб юбориш тўғрисидаги расмий таклифини қабул қилди ва КХДР Давлат кенгаши раисига уларга репатриацияси учун амнистияни кафолатлаш ҳақида буйруқ берди», - дейилади агентлик сайтида.

Шунингдек таъкидланишича, АҚШ давлат котиби Майк Помпео ва КХДР етакчиси Ким Чен Иннинг учрашувида икки давлатнинг бўлажак саммитига тайёргарлик кўриш бўйича «ижобий» натижаларга эришилган. Кутилишича, у яқин ҳафталар ичида бўлиб ўтади.

Эслатиб ўтамиз, аввалроқ Помпео КХДРдан америкалик уч асирни олиб кетиши хабар берилганди.