Pompeo KXDRdan amerikalik uch asirni olib ketadi 

KXDR hukumati AQShning uch nafar fuqarosini ozod etishga qaror qildi, ular mamlakatni davlat kotibi Mayk Pompeo bilan birgalikda tark etadi. Bu haqda «Ryonxap» agentligi Janubiy Koreya prezidenti ma'muriyatidagi manbaga asosan xabar bermoqda.

«Biz Pompeo Kim Chen In va AQSh prezidenti Donald Trampning o‘zaro uchrashuvi sanasi, vaqti hamda uch nafar asirni o‘zi bilan olib kelishini kutyapmiz», - deya aytib o‘tgan o‘z nomini oshkor qilmagan manba.

Avvalroq, AQSh davlat kotibi Mayk Pompeo Shimoliy Koreyaga muzokaralar o‘tkazgani kelgani xabar berilgandi. Bu uchrashuv Pompeo va Kim Chen Inning so‘nggi olti hafta ichidagi ikkinchi suhbatiga aylanadi. Kutilishicha, siyosatchilar Kim Chen In va prezident Trampning bo‘lajak muzokaralarini muhokama etadi.

Eslatib o‘tamiz, avvalroq Kim Chen In Xitoyda Si Tszinpin bilan uchrashgani xabar qilingandi.