Ривожланаётган давлатлар олий ўқув юртлари рейтинги эълон қилинди

Британиянинг Times Higher Education (THE) нашри ривожланаётган мамлакатлардаги университетлар рейтинги натижаларини (Emerging Economies University Rankings) тақдим этди.

Бу йил дастлабки икки ўринни Пекин Университети ва Синьхуа Университети эгаллади. Ломоносов номидаги Москва давлат университети 3-поғонадан жой олди.

Умуман олганда, дастлабки ўнталикда Хитой олий ўқув юртлари 7та ўринни қўлга киритган.

Афсуски, Ўзбекистон 351та олий ўқув юрти орасидан биронта жойни эгаллай олмади.

Emerging Economies University Rankings 2018 йилда тўртта қитъада жойлашган 42 давлатдаги 350дан ортиқ университетни ўз ичига қамраб олди – бу ўтган йилга нисбатан 50та ОТМга кўпроқ.

Ўқув муассасалари бешта асосий кўрсаткич бўйича баҳоланади: таълим муҳити, илмий фаолият, иқтибос келтириш, профессор-ўқитувчилар ва талабалар таркиби сифати, илмий-тадқиқот ишланмаларини татбиқ этишдан олинган даромадлар.