Самарқандда юз берган ЙТҲ оқибатида икки киши ҳалок бўлди

10 май куни Самарқанд вилоятининг Қўшработ туманида яшаган, Х.Н. ўзининг “Спарк” русумли автомашинасини “Қўшработ-Нурота” йўлининг 25-км.да ҳайдаб кетаётиб, қарама-қарши йўналишга чиқиб кетган ва қаршисидан келаётган Б.М. бошқарувидаги “Zaz” русумли юк автомашинаси билан тўқнашиб кетган. 

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Натижада “Спарк” автомашинаси ҳайдовчиси Х.Н. ва йўловчиси А.Қ. жароҳат олиб касалхонага келтирилганида вафот этган. Шунингдек, қолган икки йўловчи жароҳат олиб касалхонага ётқизилган.