Пара-атлетика бўйича Хитой очиқ чемпионатида Ўзбекистон делегацияси 6та медални қўлга киритди

11-13 май кунлари Хитойда бўлиб ўтган “ПЕКИН-2018” Очиқ чемпионатида 11 нафар ҳамюртимиз муносиб иштирок этишди ва 6та медални қўлга киритдилар.

11 май куни эркаклар ўртасида бўлиб ўтган баҳсларда Мансур Абдирашидов кўзи ожиз спортчилар ўртасидаги 100 м. масофага югуриш бўйича (00:11:31) кумуш медали соҳибига айланди. Яна бир спортчимиз Иззат Тургунов жисмоний нуқсони бор спортчилар ўртасида худди шу масофада бронза медал ва узунликка сакрашда (5.31м.) олтин медал соҳиби бўлди. 

12 май куни спортчимиз Александр Свечников найза отишда (66.96м.) ва Сафия Бурхонова ядро улоқтиришда (13.63м.) олтин медалларини қўлга киритди.

Мусобақанинг сўнги кунида Моҳигул Ғамдамова найза отишда 19.69м. натижа билан 2-ўринни эгаллади.

Эслатиб ўтамиз Пекин-2018 Очиқ чемпионатида 305 спортчи 253та медалли ўринлар учун куч синашди.