Афғонистонда охирги ҳафтада юз берган тошқинлар оқибатида камида 34 киши ҳалок бўлди. Бу ҳақда “Пажвак” ахборот агентлиги маълум қилди.
Маълум қилинишича, ҳафта давомида давомий ёмғирлар сабабли Саманган, Тахор, Каписа, Баглан, Бадаҳшон, Бадгис, Панжар ва Ғазни вилоятларида тошқинлар юз берган.
Маълумотларга кўра, тошқинлар оқибатида камида 4 киши жароҳат олган, 600 бош чорва йўқотилган, 40,5 гектар фермерлик ерларига путур етган ва 864 та хонадон вайрон бўлган.
Таъкидланишича, жабр кўрган оилаларни аниқлаш мақсадида тадқиқот ўтказилмоқда. Зиён етган ёки ўз уйини тарк этишга мажбур бўлган одамларга гуманитар ёрдам тақдим қилинади.
