Шарль Азнавур Ўзбекистонга сафарини бекор қилди

Ўтган дам олиш кунлари 93 ёшли Шарль Азнавур Франция жанубидаги ўз уйида йиқилиб тушиб, чап қўлидан жароҳат олди. Айни пайтда унга гипс қўйилган, уни Азнавур май ойи охирига қадар тақиб юриши керак, деб хабар бермоқда ОАВ.

Франциялик энг кекса шансончининг жароҳати туфайли Япония ва Ўзбекистонда май ойига режалаштирилган чиқишлар номаълум муддатга қолдирилди.

Азнавурнинг атрофидагилари фикрича, у концерт фаолиятини бошлайди ва 5 июнда Монакодан катта турнега старт беради, кейинчалик у Франция жанубидаги «Алуна» фестивали, Италия, Лондон, Испанияда давом этади. Шунингдек, Германия, Хорватия, АҚШ, Австралия, Киев ва Брюсселда ҳам концертлар берилиб, якунда Франциянинг бешта шаҳрида тугайди.