Саудия Арабистонида ғараз ниятли хорижликларга ёрдам беришда гумон қилинганлар ҳибсга олинди

Фото: AP/ Hasan Jamali

Саудия Арабистонида хорижий ташкилотлар билан алоқадорликда гумон қилинган 7 киши ҳибсга олинди. Бу ҳақда Саудия Арабистонининг SPA ахборот агентлиги маълум қилди.

Маълум қилинишича, гумонланувчилар давлат позицияларига одамларни ёллаш ва Саудия Арабистонига қарши бўлган хориждаги одамларга мамлакатдаги вазиятни издан чиқариш мақсадида молиявий ёрдам беришда гумон қилинмоқда.

“Тегишли идоралар гуруҳ аъзоларини ҳибсга олишга муваффақ бўлдилар, уларнинг сони 7 нафарни ташкил қилмоқда”, деб айтилган хабарда.

Таъкидланишича, бундай шахсларни аниқлаш бўйича иш давом эттирилмоқда, уларга нисбатан чоралар кўрилади.