Россия компанияси Ўзбекистон агросекторини ривожлантириш стратегиясини ишлаб чиқади

Россиянинг Strategy Partners Group консалтинг компанияси декабрь ойи охирига қадар Ўзбекистон қишлоқ хўжалигини 2030 йилга қадар ривожлантириш стратегиясини тайёрлайди. Бу ҳақда Вазирлар Маҳкамасининг қарори лойиҳасида айтилган.

«Ўзбекистон Республикаси Қишлоқ хўжалиги вазирлиги манфаатдор вазирликлар, идоралар ва «Стратеджи Партнерс Групп» компанияси билан биргаликда 2018 йил 31 декабргача «Ўзбекистон қишлоқ хўжалигини 2030 йилгача ривожлантириш стратегиясини» ишлаб чиқсин ва Ўзбекистон Республикаси Вазирлар Маҳкамасига тасдиқлаш учун киритсин», - дейилади ҳужжат матнида.

Қарор лойиҳасига кўра, Strategy Partners Group Ўзбекистон Республикаси президенти ҳузуридаги Лойиҳа бошқаруви миллий агентлиги томонидан стратегияни ишлаб чиқишга жалб этилган.

Компания Қишлоқ хўжалиги вазирлиги билан биргаликда 2030 йилгача Ўзбекистонда қишлоқ хўжалигини ривожлантириш концепциясини ишлаб чиқди, унинг асосида келгуси 12 йилда агросекторни ривожлантириш стратегияси лойиҳаси ишлаб чиқилади.

Консепция, хусусан, экспортни ҳажмларини ошириш, озиқ-овқат ва экологик хавфсизликни таъминлаш, аҳоли жон бошига даромад ва қишлоқ аҳолисининг турмуш даражасини ошириш, шунингдек, саноат соҳасида давлат бошқарувининг самарадорлигини кўтаришни назарда тутади.