Уй билан боғлиқ фирибгарликни содир этиб, 23 минг долларга «ухлатган» шахс ушланди

Жорий йилнинг 24 май куни Тошкент шаҳри Мирзо Улуғбек тумани ИИБга келиб тушган ҳужжатларга кўра, 2017 йил июль ойида Юнусобод туманида яшовчи муқаддам судланган У.М. шу туманда яшовчи М.М.га тегишли Мирзо Улуғбек туманидаги уйни 30 минг АҚШ долларига сотиб олишини ва пулни 35 кун ичида беришини айтган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, у М.М.нинг ишончига кириб, олдиндан уйни ўзининг номига расмийлаштириб олган ва А.Қ. исмли аёлга 23 минг АҚШ долларига сотиб, ундан олган пулни М.М.га бермасдан пулларни ўз эҳтиёжи учун ишлатиб юборганлиги кўрсатилган. 

Кўрилган чора-тадбирлар натижасида У.М. ушланган.