Испанияда 9та банкни ўмаришда гумонланаётган 66 ёшли эркак ушланди

Испания полицияси 66 ёшли эркакни ҳибсга олди, у сўнгги бир неча ой давомида тўққизта банкни ўмарганликда гумонланмоқда. Бу ҳақда Associated Press хабар берди.

Таъкидланишича, эркак Хетафедаги меҳмонхонада қўлга олинган. Полиция маълумотларига кўра, гумонланувчи банкларни 35 йил давомида ўмарган, сўнгги жиноятларини эса Мадрид, Толедо ҳамда Аликантеда содир этди.

Қайд этилишича, гумонланувчи банкка юзини яширмаган ҳолда кириб, ташкилот ходимига тўппонча билан таҳдид қилган ва хотиржам оҳангда пул бериш талабини қўйган.