Париж полиция ходимлари 26 май куни пойтахт кўчаларида авж олган оммавий норозилик намойишини тугатиш учун 40дан ортиқ намойишчиларни қўлга олгани айтилмоқда. Бу ҳақда мамлакат ИИВ Жерар Колон Твиттердаги саҳифасида маълум қилган.
«43 киши қўлга олинди, шундан 36 нафари тартибсизликни келтириб чиқаргани, совуқ қуролни рухсатсиз жамоат жойида ўзи билан олиб юргани учун қамоққа олинган», деб ёзади вазир.
Шунингдек, Колон оммавий тартибсизликларни дарҳол бартараф этиб, тинч намойишлар ўтказиб беришга шароит яратган полициячиларга ўз миннатдорлигини билдирган.
Эслатиб ўтамиз, амалдаги президент Макрон олиб бораётган ислоҳотларга қарши чиққан халқ ҳафта якунида мамлакатнинг барча шаҳарларида намойишларни тўлқинлантирди. Бутунмеҳнат конфедерацияси тарқатган ахборотга кўра, митингларда 250 минг киши иштирок этмоқда. Шулардан 80 минг нафари пойтахтда фаоллашган.