Ахборот технологиялари ва коммуникацияларини ривожлантириш вазирлигида Малайзиянинг «Silverlake Group» компанияси раҳбари М.Редзуан Кушайри бошчилигидаги делегация аъзолари билан учрашув бўлиб ўтди. Вазирлик матбуот хизматида шу ҳақида хабар берилди.
Учрашувда томонлар ахборот-коммуникация технологиялари йўналишидаги ҳамкорлик истиқболларини атрофлича муҳокама қилишди.
Ахборот технологиялари ва коммуникацияларини ривожлантириш вазирлиги «Silverlake Group» компанияси билан «электрон ҳукумат» йўналиши учун янги тизим ва ахборот технологиялари маҳсулотларини ишлаб чиқаришга қаратилган лойиҳаларни амалга ошириш юзасидан ҳамкорлик қилишга келишиб олди.
