Россия Хитой билан савдо айланмасини 200 млрд долларга етказмоқчи

Россия ташқи сиёсат идораси раҳбари ўринбосари Игорь Моргуловнинг айтишича, Россия-Хитой ўзаро савдо айланмасини 2020 йилгача 200 млрд долларга етказиш бўйича вазифа қўйилган. Бу ҳақда РИА «Новости» хабар беряпти.

Моргуловнинг сўзларига кўра, Хитой томони ҳозирги вақтда Россиянинг етакчи савдо-иқтисодий шериги сифатида «мустаҳкамланиб олди».

«Муваффақиятга элтувчи муҳим нарса - бу иш, ҳамкорликнинг янги моделига ўтиш, у янада қалин ишлаб чиқариш ва инвестицион алоқаларга таянади», - дея айтиб ўтган Моргулов.

Эслатиб ўтамиз, аввалроқ Путин янги президентлик муддатидаги илк хорижий ташрифни қаерга амалга ошириши айтилганди.