Хитой қурилиш компаниясига ишга киритиб қўймоқчи бўлган шахс ушланди - Бош прокуратура 

Бош прокуратура ҳузуридаги Департаментнинг Навоий вилоят бошқармаси ходимлари томонидан тезкор тадбир ўтказилди, деб хабар бермоқда маҳкама матбуот хизмати.

Тадбирда фуқаро Т. фуқаро З.ни “Навоийазот” АЖда қурилиш ишларини амалга ошириб келаётган Хитой қурилиш компаниясида юқори лавозимда ишловчи танишлари орқали ушбу компанияга ишга киритиб қўйиш эвазига 800.000 сўмни фирибгарлик йўли билан олган вақтида ашёвий далиллар билан ушланган.

Қайд этилишича, мазкур ҳолат юзасидан фуқаро Т.га нисбатан Жиноят кодексининг тегишли моддалари бўйича жиноят иши қўзғатилиб, тергов ҳаракатлари олиб борилмоқда.