Туркиянинг энг йирик саноат корхоналари маълум қилинди

Фото: aa.com.tr/ru

Истанбул саноат палатаси Туркиянинг 2017 йилдаги 500 та етакчи саноат корхоналари рейтингини эълон қилди.

Унга кўра, TÜPRAŞ нефть-кимё компанияси Туркиянинг энг йирик саноат корхонаси деб топилган. Бу корхона 51 млрд турк лиралик (11,2 млрд доллар) маҳсулот ишлаб чиқарган.

Унинг ортидан 22,7 млрд турк лираси (4,95 млрд доллар) билан Ford ва 17,8 млрд турк лираси (3,88 млрд доллар) билан Toyota компаниялари келмоқда.

Кейинги ўринларни Tofaş, Oyak-Renault, Arçelik, İskenderun Demir Çelik, Ereğli Demir Çelik, İçdaş Çelik ва Hyundai Assan компаниялари эгаллаган.