АҚШ савдо вазири Хитойга келди, жиддий музокаралар кутиляпти

Фото: AP

АҚШ савдо вазири Уилбур Росс бошчилигидаги делегация Хитой ва АҚШ ўртасидаги савдо масалаларини муҳокама қилиш учун Пекинга келди. Бу ҳақда Associated Press хабар бермоқда.

Хусусан, у Хитойнинг Америкада ишлаб чиқарилган кўпроқ товарларни харид қилиш бўйича ваъдасини муҳокама этмоқчи. Шу тариқа, Пекин мамлакатлар ўртасидаги савдо дисбалансини йўқ қилмоқчи.

Таҳлилчиларнинг таъкидлашича, гарчи Пекин Вашингтонга товарларнинг кўплаб турлари бўйича ён босишга тайёр бўлса-да, технологик ишланмалар соҳасида у АҚШ билан рақобатни давом эттирмоқчи.

Экспертларнинг тахминича, АҚШ президенти Дональд Трамп томонидан Канада, Мексика ва Европа иттифоқидан пўлат ҳамда алюминий импортига бож жорий этиш ҳақидаги яқинда қабул қилинган қарор, Росснинг музокаралардаги ҳолатига салбий таъсир кўрсатиши мумкин.

Эслатиб ўтамиз, аввалроқ Хитой қарийб бир ярим мингта товарга импорт божларини пасайтириши хабар берилганди.

#АҚШ #Хитой #савдо