Молия вазирлиги давлат бюджети очиқлигини таъминлаш бўйича қилинаётган ишлар ҳақида маълумот берди

Давлат бюджети очиқлигини таъминлаш мақсадида Ўзбекистон Республикаси Молия вазирлиги ва БМТ Тараққиёт Дастури билан биргаликда «Ўзбекистонда давлат молия бошқарувининг ислоҳотига кўмаклашиш» номли қўшма лойиҳа амалга оширилмоқда.

Вазирлик ахборот хизмати хабарига кўра, ушбу қўшма лойиҳа доирасида Ўзбекистон Республикасининг 2018 йил учун Консолидациялашган бюджети тузилмаси тўғрисидаги маълумотлар эълон қилинди. Ушбу маълумотлар вазирлик сайтининг «Очиқ вазирлик- Инфографика» бўлимида жойлаштирилган.