Заиф эшитувчи болаларга спорт майдончаси қуриб берилди (видео)
1 июнь - Халқаро болаларни ҳимоя қилиш куни муносабати билан O‘zLiDeP Олмазор туман Кенгаши ҳамда депутатлик гуруҳи аъзолари Ўзбекистон карлар жамиятининг Тошкентдаги 1-сонли ўқув ишлаб чиқариш корхонасига қарашли ётоқхонасида байрам тадбири ташкил этди.
Дастлаб, заиф эшитувчи фуқароларнинг мурожаатидан келиб чиқиб, эшитиш ва гапиришида нуқсони бор 80 нафарга яқин болажонлар тор доирадаги шифокор ва сурдотаржимонлар иштирокида бепул тиббий кўрикдан ўтказилди. Кўрикларда аниқланган касалликлар бўйича даволаниш учун тиббий йўлланмалар берилди.
Тадбир давомида жамиятга қарашли ётоқхона ҳовлисида бунёд этилган спорт майдончаси ҳам фойдаланишга топширилди. Бу эса болажонлар учун байрамга муносиб совға бўлди. Байрам тадбири давомида заиф эшитувчи болажонлар иштирокидаги спорт мусобақалари, куй ва қўшиқлар байрам тадбирига ўзгача завқ бағишлади. Расм чизиш мусобақасида эса заиф эшитувчи болажонлар ўз маҳоратларини намоён этишди.
Тадбир сўнггида 1-сонли ўқув ишлаб чиқариш корхонасида истиқомат қилувчи болажонларга байрам дастурхони ёзилиб, ҳомийларнинг эсдалик совғалари, дори-дармон ва спорт анжомлари улашилди.
Мавзуга оид
20:31 / 20.09.2024
Олимпия шаҳарчаси ҳудудида хоккей мажмуаси қурилиши мумкин
14:53 / 06.09.2024
Спортга харажатлар: келажак учун инвестициями ёки ортиқча дабдаба?
18:39 / 27.08.2024
2026 йилги Бутунжаҳон кўчманчилар ўйинлари Ўзбекистонда ўтказилади
22:01 / 22.08.2024