Фото: AP/ТАСС
Россия президенти Владимир Путиннинг маълум қилишича, Солсберида ГРУ собиқ полковниги Сергей Скрипаль ва унинг қизи Юлиянинг заҳарланиши билан боғлиқ ҳолат жанговар заҳарловчи модда қўлланилишига алоқадор эмас.
Россия етакчисининг сўзларига кўра, Скрипаллар жанговар заҳарловчи модда ҳақиқатдан ҳам қўлланганида, воқеа жойида бир неча сония ичида ҳалок бўлган бўларди. Унинг таъкидлашича, бу ҳолатда гап бошқа нимадир ҳақида кетмоқда.
«Биз фуқароларимиз, ҳеч бўлмаса Юлия билан тўғридан-тўғри мулоқот имконияти тақдим этилишини хоҳлаймиз. Шунингдек, суриштирув жараёнида тўлақонли тарзда қатнашиш имконияти берилишини истаймиз», - дея айтиб ўтди Путин.
Эслатиб ўтамиз, аввалроқ Путин Худога ишониши ҳақидаги саволга жавоб қайтарганди.
