Фирибгар сабаб Кореяга бориш умидидан ҳам, 4100 доллар пулидан ҳам айрилди

7 июнь куни Тошкент шаҳрининг Учтепа туман ИИБга тушган ҳужжатларга кўра, 2018 йил январь ойи охирида Тошкент вилояти Юқори Чирчиқ тумани яшовчи Х.К. Қорақалпоғистон Республикаси Нукус шаҳрида яшовчи Р.А.га Корея Республикасига юборишликни ваъда қилган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, ушбу шахс фуқарони алдаб, ундан 4100 АҚШ доллари ва 100 минг сўм пулларини олиб, шу кунга қадар  яшириниб юрганлиги маълум бўлган. 

Х.К.ни ушлаш чоралари кўрилган.