«Жуда эҳтиёткор». Австриялик журналист Путин билан интервью ҳақида янги маълумотлар берди
Австриянинг ORF телеканали журналисти Армин Вольф Россия президенти Владимир Путин билан 4 июнь куни ўтказилган интервьюдан сўнг ўз таассуротлари билан ўртоқлашди. Бу ҳақда Politico хабар берган.
Нашрнинг таъкидлашича, Путин камдан-кам ҳолатларда интервью беради. Россия президентининг журналист билан деярли бир соатлик мулоқоти Венага расмий ташрифидан аввал юз берди. ORF телеканали журналистининг интервьюда қайд этишича, у суҳбатдоши жавобларини анъанавий тарзда бўлиб қўйган, бироқ буни одатдагидан камроқ қилган - 54 дақиқада 11 марта. Армин Вольфнинг айтишича, интервьюдан сўнг ўзининг хорижий ҳамкасбларидан ижобий реакцияни кўрган. Унинг қўшимча қилишича, интервьюга беш кун жиддий тайёргарлик кўрилган. У Владимир Путиннинг аввалги барча интервьюларини кўриб чиқди ҳамда россиялик экспертлар билан суҳбатлашди.
«Бу энг бошидан мураккаб интервью эди, бунга учта сабаб бор эди», - дея қайд этади Вольф.
Биринчи қийинчилик шунда бўлганки, интервью телевизион шоунинг оддий студиясида эмас, балки Кремлда ўтган. Иккинчиси - синхрон таржима тез реакция билдиришни мураккаблаштирган. Сўнгги қийинчилик эса, Вольфнинг сўзларига кўра, Владимир Путин «эҳтиёткор суҳбатдош» экани, ҳамда саволга кўп пайтларда ўз саволи билан жавоб қайтаришида бўлган. Шунингдек, Вольфнинг таъкидлашича, у интервьюни уч ярим соат кутган. Австриялик журналистнинг билдиришича, Россия президенти «немис тилида жуда яхши гаплашади».
Эслатиб ўтамиз, аввалроқ Путин немис тилида журналистдан ўз сўзини бўлмасликни сўраганди.
Мавзуга оид
20:51 / 04.10.2024
Россия «Толибон»ни террорчилар рўйхатидан чиқариш бўйича ишларни якунламоқда — ФХХ раҳбари
18:42 / 04.10.2024
Россияда ўзбек диаспораси етакчиси ноқонуний миграцияни ташкил этишда гумон қилинмоқда
09:00 / 04.10.2024
«Газпром» Россияда энг зарар кўрган компаниялар рўйхатини бошқаряпти
23:19 / 03.10.2024