Путин Покистон ва Ҳиндистон аъзо бўлганидан сўнг ШҲТ тузилмасини оптимал деб атади

Покистон ва Ҳиндистон қўшилганидан сўнг Шанхай ҳамкорлик ташкилоти тузилмаси оптимал ҳолатга келди, энди эса бу қандай ишлашини баҳолаб, шундан сўнг кенгайтириш контекстида кейинги қадамлар ҳақида ўйлаш керак, деган РФ президенти Владимир Путин.

«Кенгайишга тўхталадиган бўлсак, биз ҳозир пайдо бўлган тузилма оптимал кўринишга эга, деган тўхтамга келдик. Биз ташкилот мана шу кенгайтирилган таркибда қандай ишлашини кўришимиз керак», — деган матбуот анжуманида Путин.

РФ президентининг эслатишича, мазкур саммит Покистон ва Ҳиндистон иштирокидаги биринчиси бўлди. «Бу қандай ишлашини кўриб чиқишимиз керак, шундан сўнг ҳамкасбларимиз билан таҳлил қилиб, ташкилотни кенгайтириш билан боғлиқ кейинги қадамлар бўйича қарорлар қабул қиламиз», — деган у.

«Мен Покистон ва Ҳиндистон ҳисобига Шанхай ҳамкорлик ташкилотини кенгайтиришга келишиб олганимизни олқишлайман ва умид қиламанки, минтақанинг барча мамлакатлари ушбу ташкилотдан кўптомонлама форматда ва икки томонлама масалаларни ечишда чуқурроқ фойдалана бошлайди», — дея қўшимча қилган Россия етакчиси.