«Қўйлиқ» бозорида ишловчи сотувчини 202 млн сўмлик гўштга «ухлатишди»

Иллюстратив фото/ KUN.UZ

Тошкент шаҳар ИИББга тушган ҳужжатларга кўра, 2018 йил 25 февралдан 11 мартгача бўлган вақт оралиғида Олмазор туманида яшовчи М.Т. ва қўшниси Ж.Т. “Қўйлиқ” деҳқон бозорида гўшт маҳсулотини сотиш билан шуғулланувчи Д.К.дан умумий қиймати 202.098.000 сўмлик 1 тонна 278,50 кг. қорамол гўшти маҳсулотини пулини бериш шарти билан олган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, улар гўшт маҳсулоти пулини шу кунгача бермай келаётганликлари маълум бўлган.

Кўрилган чоралар натижасида М.Т. ва Ж.Т. ушланган.