«Россиянинг беқарорлаштирувчи ҳаракатлари Украина иқтисодиётига зарар етказмоқда»
Европа комиссияси вице-президенти Валдис Домбровскиснинг Европарламентдаги эшитувларда маълум қилишича, Украинага макромолиявий ёрдам тақдим этишда мамлакатда коррупция билан кураш мажбурий шарт саналади.
«Коррупция билан кураш ўзаро англашув тўғрисидаги меморандумда сиёсий шартлар марказида бўлади, у Евроиттифоқ ва Украина ўртасида бу молиявий ёрдам учун мувофиқлаштирилиши керак», - деди Домбровскис.
Унинг қўшимча қилишича, Украинадаги иқтисодий вазият ҳамон «нозик» бўлиб турибди, аммо аста-секин тикланмоқда. Шунингдек, Домбровскис Россиянинг Украина шарқидаги «беқарорлаштирувчи ҳаракатлари» иқтисодий ҳолатга зарар етказаётганини таъкидлаган.
«Украинага қисқа муддатлар ичида макромолиявий ёрдам дастурини ишга тушириш муҳим», - дея хулоса қилди ЕК вице-президенти.
Домбровскиснинг қайд этишича, Европа давлатлари Украинага иқтисодиётни тиклашда «муваффақиятсизликка учрашга» имкон бермайди.
Эслатиб ўтамиз, аввалроқ украиналик депутат Россияни қандай қилиб мағлуб этиш мумкинлигини айтганди.
Мавзуга оид
10:50
Суриштирув: БР украиналик болаларни ҳарбийлаштиришга алоқадор
09:50
АҚШ Украина узра Россия ракеталарини уриб туширишдан бош тортганига изоҳ берди
08:30
Столтенберг: Украина уруш тугагунига қадар НАТОга қабул қилиниши мумкин
20:51 / 04.10.2024