Ukrainalik deputat Rossiyani qanday qilib mag‘lub etish mumkinligini aytdi

Ukraina o‘z fuqarolarini baxtli qilsagina, Rossiyani mag‘lub etishi mumkin. Bu haqda Oliy rada deputati, «Hayot uchun» partiyasi yetakchisi Vadim Rabinovich «112 Ukraina» kanalidagi dasturda ma'lum qilgan.

Rabinovichning ko‘rsatishicha, Rossiyaga qarshi sanksiyalar Kiyev uchun «G‘arbning yagona qo‘llab-quvvatlovi» hisoblanadi, biroq ular Rossiya bo‘yicha amal qilmayapti. Rada deputati sanksiyalarni Ukrainadagi siyosiy kurash mexanizmi, deb atagan.

Rabinovichning fikricha, bunday tarzda «dushmanni mag‘lub etib» bo‘lmaydi. Uning taxminiga ko‘ra, hamma Ukrainadagi hayot darajasiga hasad qilishi kerak, shuni amalga oshirish darkor.

«Biz sanksiyalar g‘alaba qozonayotgani haqida emas, balki o‘zimiz g‘alaba qozonishimiz haqida o‘ylashimiz lozim. Biz shunday davlatni qurishimiz kerakki, bunda har bir qo‘shni: Rossiya, Belarus, Vengriya va Polsha Ukrainadagi odamlar qanday yashayotganiga hasad qilishi kerak. Qanday sanksiyalar?» - deya aytib o‘tdi Rabinovich.

Eslatib o‘tamiz, avvalroq Poroshenko Putin bilan telefon orqali muloqot o‘tkazgandi.