Тўлиқ амалга ошмай қолган жиноятдаги босқинчилардан бири коллеж ўқувчиси бўлиб чиқди

Шу йил 10 июнь куни 2 номаълум шахс Самарқанд вилоятининг Иштихон туманида яшовчи Ш.Н. исмли аёлни уйига дарвозасидан ошиш орқали кириб, уни пичоқ билан қўрқитиб, пул ва қимматбаҳо буюмларни талаб қилиб, фарзанди Ш.Н.ни тортиб олгани учун шовқин кўтарилганда улар ҳеч нарса ололмай воқеа жойидан қочиб кетганлар.

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Қайд этилишича, кўрилган чоралар натижасида ушбу жиноятни Иштихон туманида яшовчи Ж.М. ва шу туманда яшовчи Бахрин қишлоқ хўжалиги касб-ҳунар коллежи 3-курс ўқувчиси, С.А. содир этганликлари аниқланиб ушланган.