Россияда жаҳон чемпионати ўйинлари давом этмоқда.
«А» гуруҳида Миср ва Уругвай терма жамоалари беллашди. Кескин курашларга бой тарзда ўтган баҳснинг сўнгги дақиқаларигача таблода ноллар сақланиб турди.
Бироқ, 90-дақиқада уругвайликлар ғалаба тўпини киритишга муваффақ бўлишди. Ўнг қанотдан жарима майдонига етказилган тўпни ҳимоячи Хименес рақиб дарвозасига аниқ йўллади.
Миср терма жамоаси ҳужумчиси Муҳаммад Салоҳ бу ўйинда майдонга туширилмади.
Натижада, дастлабки турдан сўнг, «А» гуруҳида Россия ва Уругвай 3 очко билан пешқадамликни қўлга киритишди.
ЖЧ-2018. «А» гуруҳи
Миср – Уругвай - 0:1
15 июнь, «Екатеринбург-Арена»
Гол: 0:1 – 90 Хименес.
Миср – Эл-Шенави, Жабр, Абдел-Шафий, Фатхий, Хижозий, Эл-Ненни, Хамид (Мурсий, 50), Эл-Саид, Уарда (Субхий, 82), Трезеге, Мухсин (Қахрабо, 63).
Уругвай – Муслера, Хименес, Касерес, Варела, Годин, Нандес (Санчес, 58), Бентанкур, Весино (Торрейра, 87), де Арраскаэта (Родригес, 59), Суарес, Кавани.
