Фарғонада ҳайдовчи бошқарувни эплай олмаслиги натижасида йўловчи ҳалок бўлди

Фарғона вилоятининг Олтиариқ туманида 15 июнь куни Тошкент шаҳар Яшнобод туманида яшовчи И.Ю. “Каптива” русумли автомашинасини Повилғон қишлоғида ҳайдаб кетаётиб, бошқарувни йўқотган ва йўл четига ағдарилиб кетган.

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Натижада автомашина ҳайдовчиси И.Ю. ва йўловчиси, Тошкент шаҳар Яшнобод туманида яшаган Н.Ҳ. жароҳат олиб касалхонага келтирилган. Аммо кўрсатилган тиббий муолажаларга қарамай Н.Ҳ. вафот этган.