Мексикада нефть ўғрилари 6 нафар полициячини отиб ташлашди

Мексиканинг Амосок шаҳрида жиноятчилар билан отишма пайтида олти нафар полициячи ҳалок бўлди. Бу ҳақда Excelsior портали хабар қилмоқда.

Портал маълумотларига кўра, полициячиларга «уачиколерослар» (қувурлардан ёқилғи ўғирлайдиганлар) томонидан ҳужум амалга оширилган.

Ҳозирги вақтда Пуэбла штатида жиноятчиларни қидириш бўйича йирик амалиёт ўтказилмоқда.

Таъкидланишича, Мексика нефть маҳсулотларининг ўмарилиши туфайли ҳар йили қарийб 1 млрд доллар йўқотади.

Эслатиб ўтамиз, аввалроқ Мексикада 6 нафар полициячи отиб ташлангани хабар қилинганди.