Трамп ва Макрон КХДРни муҳокама қилди

АҚШ президенти Дональд Трамп ва Франция етакчиси Эммануэль Макрон ўзаро телефон мулоқоти ўтказди. Бу ҳақда Елисей саройи матбуот хизмати хабар бермоқда.

«Томонлар Сингапурдаги саммитдан сўнг Шимолий Корея билан боғлиқ вазиятни, шунингдек, Сурия ва Эрон масаласини муҳокама қилишди», - дейилади хабарда.

Таъкидланишича, етакчилар халқаро кун тартибига доир қатор муҳим мавзуларни, хусусан, савдо сиёсатини ҳам муҳокама қилган.

Эслатиб ўтамиз, аввалроқ французлар Трампни тажовузкор ва хавфли, деб ҳисоблашаётгани хабар берилганди.