Янгийўллик зўравон Тошкентда қўлга олинди

Фото: KUN.UZ

17 июнь куни Тошкент шаҳрининг Чилонзор туманида жиноят рўй берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Қайд этилишича, номаълум шахс Дилхуш 2-тор кўчасида яшовчи Г.К. исмли аёлни куч ишлатиш йўли билан қўрқитиб бўйнидаги занжирини ечиб олиб кетган.

Кўрилган чоралар натижасида ушбу жиноятни Тошкент вилояти Янгийўл шаҳрида яшовчи Р.Б. содир этганлиги аниқланиб ушланган.