Тошкентда ўзганинг «Ласетти» автомобилини ўзлаштирган фирибгар ушланди

Тошкент шаҳрининг Яккасарой туманида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Қайд этилишича, 2018 йил 7 феврал куни ИИБга тушган ҳужжатларга кўра, Тошкент вилояти Янгийўл туманида яшовчи Ҳ.Р. 2016 йил 26 январь куни Қушбеги даҳасида яшовчи С.М.га “Ласетти” русумли автомашинани ҳайдаб кўришини ва тезда қайтиб келишини айтиб, алдаш йўли билан ишончига кириб, автомашинани номаълум томонга ҳайдаб кетиб шу кунга қадар қайтариб бермаётганлиги кўрсатилган. 

Кўрилган чоралар натижасида Х.Р. қўлга олинган.