Мексикада автобус иштирокидаги ЙТҲда тўққиз киши ҳалок бўлди

Мексиканинг Сонора штатида йўловчи автобуси иштирокидаги йўл-транспорт ҳодисаси оқибатида тўққиз киши ҳалок бўлди, яна 14 киши турли даражада жароҳат олди. Бу ҳақда Bajo Palabra нашри хабар бермоқда.

Хабар қилинишича, автобус Каборка ва Сонойта шаҳарлари оралиғидаги трассада ағдарилиб кетган. Автобус Тихуанадан Гвадалахарага кетаётган бўлган. ЙТҲ пайтида ҳайдовчи транспорт воситаси устидан бошқарувни йўқотгани айтиляпти. Ҳозирда полиция рўй берган ҳодисага нима сабаб бўлганини аниқлаштириш билан банд.