Бош вазир Самарқанднинг тарихий қисмидаги қурилиш ишлари билан танишди

Фото: Самарқанд шаҳар ҳокимлиги ахборот хизмати

Ўзбекистон Республикаси Бош вазири Абдулла Арипов бугун Самарқанд шаҳрига ташриф буюрган. Бу маълумотни Kun.uz’га Самарқанд шаҳар ҳокимлиги ахборот хизмати тасдиқлади.

Бош вазир ўз ташрифи давомида шаҳарнинг тарихий қисмида олиб борилаётган қурилиш ишлари билан танишган.

А.Арипов шаҳарнинг тарихий қисмида олиб борилаётган қурилиш ишлари мобайнида Ўзбекистонда амал қилаётган халқаро ҳужжатларга тўлиқ риоя этилишини талаб этган. Жумладан, ЮНЕСКО бутунжаҳон мероси рўйхатига кирган ҳудудда олиб борилаётган қурилиш ва ободонлаштириш ишлари шаҳарнинг тарихий бинолари қиёфасини бузмаслиги кераклигини қайд этган.

Бош вазир йўл қўйилган қонунбузарликлар учун қатъий чоралар қўлланилишини билдириб ўтган.

#Самарқанд #Абдулла Арипов