МҲП Эрдўған партияси билан альянсининг ғалабаси ҳақида эълон қилди
Туркияда ҳукмрон бўлган Адолат ва ривожланиш партияси ҳамда Миллий ҳаракат партияси кирган халқ альянси мамлакатдаги парламент сайловларида ғалаба қозонди. Бу ҳақда Миллий ҳаракат партияси етакчиси Давлат Бахчели маълум қилди.
Халқ альянси овозларнинг 99 фоизи ҳисоб-китоб қилингач, сайловларда 53,6 фоиз овозни, ёки парламентдаги 600 ўриндан 340тасини қўлга киритгани маълум бўлган. Президентлик сайловларида, овозларнинг 97 фоизи ҳисоб-китоб қилингач, Туркия президенти Тоййиб Эрдўған 52,6 фоиз овоз билан ғалаба қозонди.
"Бугун биз Халқ альянси ғалабаси ҳақида фахр ва шараф билан гапиришимиз мумкин. Биринчи турда якунланган президентлик сайловлари инқирозни кутиб турганларга яхши жавоб бўлди. Туркия бугундан бошлаб президентлик тизимига расман ўтди. Тоййиб Эрдўған бу тизимнинг биринчи президенти этиб сайланди. Бизни тиз чўктиришмоқчи эди - ўхшамади. Улар миллий ирода билан тўқнаш келди. Партиямиз тарихий муваффақиятга ўз имзосини қўйди. Биз мажбуриятларимиз бўлган барча нарсани бажарамиз", - деди Бахчели Истанбулдаги митингда чиқиш қилиб.
Мавзуга оид
00:32 / 04.12.2022
Туркиянинг биринчи учувчисиз қирувчи самолёти синов парвозини муваффақиятли амалга оширди
00:54 / 03.12.2022
Туркиялик шарҳловчи ЖЧ-2022 ўйини танаффусида эфирдан четлатилди
11:10 / 28.11.2022
Ўзбекистон ва Туркия йирик логистика инфратузилма лойиҳаларини биргаликда амалга оширмоқчи
17:10 / 25.11.2022