ЕИ: Туркиянинг иттифоққа қўшилиши масаласи боши берк кўчага кириб қолди

Фото: financialtribune

Евроиттифоқ кенгашининг хабар қилишича, Туркия томони билан ташкилотга аъзо бўлиш бўйича музокаралар боши берк кўчага кириб қолди. Бу ҳақда ушбу масала бўйича резолюцияда айтилган.

Ҳужжатда таъкидланишича, Туркия томони Евроиттифоқдан тобора узоқлашиб боряпти. Қайд этилишича, Туркия ва ЕИ ўртасида Божхона иттифоқини модернизация қилиш бўйича ишларни давом эттириш ҳозирги пайтда назарда тутилмаган.

«Шунинг учун Туркиянинг иттифоққа кириши бўйича музокаралар боши берк кўчага кириб қолди», - дейилади резолюцияда.

Ҳужжат матнига кўра, ЕИ Туркия томонини мамлакатда кузатилаётган ҳуқуқ ва эркинликлар соҳасидаги салбий тенденцияларга қарши чоралар кўришга чақирган.

#Туркия #Евроиттифоқ