Instagram'га видеочат функцияси қўшилди

Instagram'нинг янгиланган иловасида видеоқўнғироқлар функцияси пайдо бўлди. Платформа сайтида ижтимоий тармоқнинг янги имкониятлари ҳақида батафсил маълумот тақдим этилди.

"Энди сиз Instagram Direct'да ё бир киши, ёки гуруҳ билан видеочат яратишингиз мумкин. Instagram'даги дўстларингиз билан телефон рақамларисиз iOS ва Android орқали видеочатга осонгина уланишингиз мумкин", - дейилади хабарда.

Маълумотларда қайд этилишича, вақт жиҳатидан чегараланмаган янги функцияни бир вақтнинг ўзида тўрт нафаргача фойдаланувчи билан қўллаш мумкин. 

Бундан аввал Bloomberg таҳлилчилари таниқли ижтимоий тармоқни 100 миллиард долларга баҳолашгани ҳақида хабар берилган эди. Олти йил аввал Facebook корпорацияси Instagram платформасини унинг асосчиларидан 1 миллиард долларга сотиб олган эди. Экспертларнинг сўзларига кўра, Instagram унга эгалик қилувчи компаниядан тезроқ янги фойдаланувчи ва реклама берувчиларни жалб қилмоқда.