Фото: TMZ.com
Поп-мусиқа афсонаси Майкл Жексоннинг отаси Жо Жексон Лос-Анжелесда вафот этди. TMZ нашри шу ҳақида хабар берди.
Бу ойда продюсер Жо Жексон саратоннинг сўнгги босқичи билан шифохонага жойлаштирилди. У 89 ёшида ҳаётдан кўз юмди.
Манбада таъкидланишича, бир неча йил аввал Жонинг соғлиғи билан боғлиқ муаммолар сезила бошланган. 2015 йилда у уч марта юрак хуружини бошидан ўтказган, 2016 йилда эса маълум муддат шифохонада даволаниб чиққан.
Жо Жексон The Jackson Five гуруҳи ҳамда фарзандлари Майкл ва Жанет Жексоннинг мусиқий менежери бўлган.
