Навоийда мудҳиш ЙТҲ: икки киши ҳалок бўлди, уч инсон жароҳат олди

25 июнь куни Навоий вилоятининг Навбаҳор туманида Конимех тумани Шўртепа маҳалласида яшаган Н.М. ишонч қоғози билан бошқарувидаги “Нексия” русумли автомашинани “Нурота-Навоий” йўлининг 16-км.да ҳайдаб кетаётиб, қарама-қарши томондан ҳаракатланиб келаётган Нурота туманида яшовчи “Зиё транс Навоий” МЧЖ ҳайдовчиси И.Т. бошқарувидаги “Кобальт” русумли автомашинаси билан тўқнашув содир этган. 

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, натижада “Нексия” автомашинаси ҳайдовчиси Н.М. ва “Кобальт” автомашинаси йўловчиси Н.Т. жароҳат олиб воқеа жойида ҳалок бўлган.

“Кобальт” автомашинаси ҳайдовчиси И.Т. ва йўловчиси, маҳалладоши Т.Ч. жароҳат олиб касалхонага ётқизилган ҳамда яна бир нафар йўловчи, маҳалладоши М.Ш.га касалхонада тиббий ёрдам кўрсатилган.