Хитойда эркак мактаб ўқувчиларига ҳужум қилди

Хитойнинг Шанхайидаги мактаблардан бирида пичоқ билан қуролланган эркак ўқувчиларга ҳужум қилди. Оқибатда 2 бола ҳалок бўлган. Воқеа 28 июнда маҳаллий вақт билан соат 11.30ларда юз берган, деб хабар бермоқда Reuters ахборот агентлиги. 

Таъкидланишича, 29 ёшли эркак ошхона пичоғи билан 3 ўқувчи ва бир аёлга ҳужум қилган. Икки бола шифохонада вафот этган, яна бир ўқувчи ва аёлнинг ҳаёти хавф остида эмас.

Эркак воқеа жойида қўлга олинган, тергов олиб борилмоқда.