Иш жойига хиёнат қилган ходимлар ушланди - ИИВ

26 июнь Тошкент вилоятининг Пискент туманида жиноят юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Қайд этилишича, шу туманда яшовчи, туман “Тоза ҳудуд” унитар корхонаси ишчиси муқаддам судланган А.Р. ва Чўлпон кўчасида яшовчи шу корхона ишчиси муқаддам судланган С.И. маст ҳолда иш жойларига келиб, шу корхона қоровули Ў.Х.ни куч ишлатиш йўли билан қўрқитиб, шу корхона иш бошқарувчиси Б.М.га тегишли темир сейф қулфини бузиб очиб, ичидан 2 млн. 750 минг сўм пулини олиб воқеа жойидан яширинганлар. 

Кўрилган чоралар натижасида А.Р. ва С.И. ушланган.